ISAJON SULTON ASARLARIDA GERMENEVTIK TAHLIL: MATN POETIKASI VA MA’NO QATLAMLILIGI (“BOQIY DARBADAR”, “SUVDAGI KOSA”, “O‘RMONDAGI KULBA” VA “FARISHTA” ASARLARI MISOLIDA)

Abstrak

Ushbu maqolada zamonaviy o‘zbek nasrining ko‘zga ko‘ringan vakili Isajon Sultonning “Boqiy darbadar”, “Suvdagi kosa”, “O‘rmondagi kulba” hamda “Farishta” kabi asarlari germenevtik va poetik jihatdan tahlil qilinadi. Tadqiqotda matnning ramziy-metaforik tabiati, muallif konsepsiyasi hamda asarlar qatlamlarida yashiringan falsafiy-mifologik va ma’naviy-axloqiy ma’nolar ochib beriladi. Germenevtik yondashuv vositasida adibning badiiy olamiga xos bo‘lgan timsollar tahlil etilib, qahramonlarning ruhiy kechinmalari hamda insoniyatning mavjudlik muammolari o‘rtasidagi bog‘liqlik yoritiladi. Tadqiqot natijalari Isajon Sulton nasrining ko‘p qatlamli va teran ma’no tuzilishini anglashga hamda zamonaviy o‘zbek romanchiligi va qissachiligida matn poetikasini baholashga xizmat qiladi.