IJTIMOIY -MAISHIY KOMPETENSIYASINI SHAKLLANTIRISHNING METODOLOGIK ASOSI

Abstrak

Mazkur maqolada aqliy rivojlanishida nuqsoni bo‘lgan o‘quvchilarda ijtimoiy-maishiy kompetensiyalarni shakllantirishning metodologik asoslari yoritilgan. Muallif tomonidan maxsus ta’lim tizimida ijtimoiy moslashuvning ahamiyati, ijtimoiy-maishiy yo‘naltirish mashg‘ulotlarining mazmuni hamda o‘quvchilarning mustaqil hayotga tayyorlanishidagi o‘rni ilmiy-pedagogik jihatdan tahlil qilingan. Shuningdek, ijtimoiy-maishiy kompetensiyalarni bosqichma-bosqich shakllantirish texnologiyasi, uning shaxsiy, kognitiv va faoliyat komponentlari keng yoritilib, mazkur jarayonda o‘qituvchi, ota-ona hamda tarbiyachilarning hamkorligi muhim omil sifatida ko‘rsatib o‘tilgan. Maqolada maxsus korreksion ta’lim jarayonida o‘quvchilarning o‘z-o‘ziga xizmat ko‘rsatish, kundalik turmush faoliyatini tashkil etish, ijtimoiy muhitda mustaqil harakat qilish hamda muloqot kompetensiyalarini rivojlantirish masalalariga alohida e’tibor qaratilgan. Tadqiqot natijalari ijtimoiy-maishiy kompetensiyalarni shakllantirish aqli zaif o‘quvchilarning ijtimoiy adaptatsiyasi, mustaqil hayotga tayyorgarligi va jamiyatga integratsiyalashuvini ta’minlashda muhim pedagogik omil ekanligini ko‘rsatadi.