DESTRUKSIYANI IFODALOVCHI FE’LLARNING MOHIYATI VA O‘RGANILISHI

Annotatsiya

Maqolada destruksiyani ifodalovchi fe’llarning leksik-semantik maydon tarkibiy qismi sifatidagi mohiyati va o‘rganilish xususiyatlari ko‘rib chiqiladi. Rus, boshqird, nemis va o‘zbek tilshunosligida destruktivlik kategoriyasini tadqiq etishning asosiy yo‘nalishlari tahlil qilinib, destruktiv fe’llarning semantikasi, valentligi, funksional-uslubiy xususiyatlari hamda kognitiv talqini yoritiladi. Ularni tasniflashda tizimli va funksional-semantik yondashuvlarga, shuningdek, semantik maydonning yadrosi va periferiyasi muammosiga alohida e’tibor qaratiladi. Destruktiv fe’llarni ularning metaforik, diskursiv va pragmatik salohiyatini inobatga olgan holda kompleks tadqiq etish zarurligi ta’kidlanadi.