OLIY TA’LIM MUASSASALARIDA INGLIZ TILINI O‘QITISHDA KOMMUNIKATIV YONDASHUV ASOSIDA METODIK TAYYORGARLIKNI TAKOMILLASHTIRISH

Annotatsiya

Ushbu maqolada oliy ta’lim muassasalarida ingliz tilini o‘qitish jarayonida o‘qituvchilarning metodik tayyorgarligini zamonaviy talablarga muvofiq rivojlantirish masalalari tahlil qilinadi. Tadqiqotda talabalar nutqiy kompetensiyasini shakllantirishda samarali hisoblangan interaktiv mashg‘ulotlar, talaba markazli ta’lim, hamkorlikda o‘rganish va muloqotga yo‘naltirilgan mashqlar ahamiyati yoritiladi. Shuningdek, o‘qituvchining kasbiy kompetensiyasi, darsni rejalashtirish va baholash kabi metodik yondashuvlar tahlil etiladi. Tadqiqot natijalari kommunikativ metodlar asosida tashkil etilgan ta’lim jarayoni talabalar faolligini oshirishi, mustaqil fikrlash va erkin muloqot ko‘nikmalarini rivojlantirishga xizmat qilishini ko‘rsatadi. Maqola oliy ta’lim tizimida chet tilini o‘qitish sifatini oshirishga qaratilgan ilmiy-uslubiy tavsiyalarni o‘z ichiga oladi.